حميده وفاطمه وسكنه ورقيهتعنن للنجف هاي المسيـــــه
*****************
كل وحده بهظمها اتعنت الجدهـــــــــه
ونية كل يتيمه اتسولف العدهــــــــــــه
علي كلوب اليتامه يعرف اشعدهــــــــه
هاي اتريد اخوهه وذيج والدهـــــــــه
يعين الله كلب حاميه الحميـــــــــــــــه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
تلاكن ويه جدهن من عكب فركـــــــه
وصاحن بالمدامع ياعلي بحركـــــــــه
هاي اتبوس خده وذيج البحلكـــــــــــه
وهاي اتنوح يمه وذيج التشبكـــــــــــه
وغدن يحجله هم الغاضريـــــــــــــــه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
اولهن بدت بت مسلم المظلـــــــــــــوم
ودموع الحزن يجري عل خدهه ادموم
يبوا الحمله تكله والكلب مهظــــــــــوم
اريد امشي وزورن كبر ابوي اليـــــوم
تدري غيبته كلفه عليــــــــــــــــــــــــه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
وبعد عندي كبر ارد اعلك اشموعـــــه
ورش عليه دمعتي ولطم بلوعـــــــــــه
يجدي اشلون كلي انسه فضل طوعـــه
وانه ادري عل ابوي اوياي مفجوعـــه
لمن راح ابوي ومارجع ليــــــــــــــــه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
ناداهه الوصي والوانه مخطوفـــــــهما أكدر أصد بعيوني للكوفــــــــــــه
وحك حادي الضعينه وعينه وجفوفه
ماطب ديره زينب بيها مجتوفــــــــه
من عكب الخدر راحت سبيــــــــــه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
ولن صوت العليله ايصيح ياجـــدي
انه العافوني بديار الغرب وحــــدي
جثيره هموم كلبي منين الك ابـــدي
عكب اهلي الدهر ماخله شي عندي
وصارت دنيتي وحشه وخليــــــــه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
اخذني الكربلا وخليني ازورنهـــــم
راحت حسره بالدلال اشوفنهــــــــم
يجدي من مشوا ظليت اعاينهـــــــم
عافوني وحيده وجني مومنهــــــــم
وظليت انتظر وصفج بديــــــــــــه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
يكللهه يجدي ويسحب العبــــــــره
ابيج مانساج وداعت الزهــــــــره
من شفت الشمر كاعد على صدره
انه اتمنيت كون اتمدد بكتـــــــــره
ومن دمع النواظر يشرب اميـــــه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
صدت للعليه وصاحت اسكينـــــه
كلبي بجتل ابيج لاتذكرينـــــــــــه
انه اتمنيت بعيونج تشوقينــــــــــه
راسه علل الرمح ماغمضت عينه
وظل علل الترب جسمه رميـــــه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
وصدت للوصي وصاحت يحامي الجارماظل حيل وحجيلك علينه اشصـــــــار
انه اتمنيت حاضر ياعلي الكــــــــــرار
وتساعد عمتي وبيدك تطفي النـــــــــار
تلهج بسمك بونه شجيـــــــــــــــــــــــه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
يكلها اشلون اعوفن زينب اوحيــــــــده
ونه اسمعها تون ياجدي بالبيــــــــــــده
ياحيدر تنادي لاجن ابهيــــــــــــــــــده
راح الجابني من ارض الوطن بيـــــده
وخوي حسين ظل علل الوطيـــــــــــه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
بعد لوعة رقيه اتريد تحجيهـــــــــــــا
وقصة هل اليتيمه منين ابديهـــــــــــا
يجدي اتكله روحي الضيم عاليــــــها
رقيه الكبر ابوهه حسين وديهــــــــــا
يا محله الابوا ومحله محاجيــــــــــــه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
يجدي ابعيده عن حسين دفنونــــــــي
ومن ردوا وحيده بكبري عافونــــــي
صحت يهلي بحسرتي ودمعة عيوني
وياكم لبوي حسين ودونــــــــــــــــي
اريد احجيله ظيم المر عليــــــــــــــه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
مابين الحزن والنوح هل اليلـــــــــــه
ﭽن زينب اجت والمدمع اتسيلـــــــــه
تكله يلولي كلبي انهدم حيلــــــــــــــه
ولوا مال الحمل ياهوا اليتجيلــــــــــه
راح الجان انه مخدره بفيـــــــــــــــه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
يبويه كل يتيمه سولفت همهـــــــــــــااسمع زينب أشكالت على ابن امهــــا
تمنيتك يحيدر من وكع يمهــــــــــــــا
وِتشوف الجره والصار بخيمهـــــــــا
ونيران الخيم ظلت سريــــــــــــــــــه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
لمن طبت الكرار صد ليهــــــــــــــــا
هله يم المصايب ظل يناديهـــــــــــــا
كام الها وحنه اظلوعه الوصي عليها
يبويه اجروح كلبج بيش اداويهــــــــا
وني وخلي ونادتج خفيـــــــــــــــــــه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
انجان اتريد ياحيدر ابطل النــــــــوح
اخذني يلولي لمي الزجـــــــيه وروح
اريدن يم كبرهه اليله اوسد الـــــروح
وكلها ابنج ييمه من الكفه مذبـــــــوح
وشكلج عن جفيل الهاشميـــــــــــــــه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
الله ايعينك عل ألهم يبوا الحملــــــــه
جم اصواب كلبك ياعلي ايحملـــــــه
موسهله عليك انه ادري موسهلـــــه
من اكلك حال زينب يلولي صدلــــه
مرت عل الغريبه اجم رزيـــــــــــه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
لونهن ---
يتامه أونت البــــــيده ------ لونهن
وجفوف الدهر عكبك ------ لونهن
يمك ليلة الوحشـــــه ------ لونهن
ماراحن سبايه وي ال اميه
----------------------------------- مسلم محمد السماوي
