الخيل اجتنه يبن عقد الوله
صاح هيمن يعمه بالفلــــه
****************
ارد انشدنك الدنيه اشبيهــــا
يا علي ادمع الحزن تجريها
عمتك بالك تظم عليهــــــــا
خاف ابيك طاح يبني ونولــــــــــه
---------------------------------
خاف ابيك طاح يا باجي اهلي
عل الوطيه وبعد مايرجع الـي
شعندك من اخبار كلي ياعلـي
هدمت حيلي مصايب كربـــــــــــــلا
-----------------------------------
هدمت حيلي المصايب نادتــه
وصاح لمن شاف حالة عمتـه
حل الوطيه حسين ظلت جثته
وطلع من ظهره مثلث حرملـــــــــــه
------------------------------------
ظلع من ظهره وعلى وجهه وكع
وهذا مهره للخيم خالي رجـــــــع
اه يزينب بينج وبينه انكطـــــــــع
الحيل اجتكم كومي لمي العايلـــــــــــه
--------------------------------------
الخيل اجتنه يبت حماي الدخيل
وانه فوك اهمومي ياعمه عليل
تكفليتي العايله عكب الكفيــــل
والكلب لازم الهم يتحملـــــــــــــــــــــه
سمعته وكامت المظلومه تنوح
ونادته كلي يعمه ويـــن اروح
صاح ياعمه بعد ماعندي روح
بالفله هيمن يبت سيد الملـــــــــــــــه
-----------------------------------
يالله كومي الخيل وصلت للخيم
يلغريبه وظلت اتنوح الحـــــرم
عمه مكدر افزع الحيل انهـــدم
وين عمي الكمر راعي المرجلـــــــــه
------------------------------------
نادته وينك يسبع الكنطـــــــــره
كلبي مثل الخيم ناره موجـــــره
ترضه يا عباس امشي ميســـره
انه زينب ونته تدري امدللــــــــــــــــه
---------------------------------------
لاتظن اعتب عليك شما صــحت
والنعم منك وبد ماكصـــــــــرت
لجن باجر لوحده الحادي ورحت
دمعتي من عكبك اظل هاملـــــــــــــــــه
----------------------------------------
عمه يلسجاد اخذني الوالـــــــدك
ارد اكله شلون عافك وحــــــدك
بلجي من يسمعني ابوك ايناشدك
عن خواته والي مال ايعدلــــــــــــــــــه
----------------------------------------
وكفت علل تل وديعة فاطمــه
نادته ودمع الحزن يمطر دمه
ريت عيني خويه تنصاب بعمه
ولا اصدن للشمر فوكك علـــــــــــــــه
--------------------------------------
--------------------------------------
مسلم محمد السماوي
(الحذف والاضافه غير مبرء للذمه)
